ბერგამოს „ატალანტას“ მთავარმა მწვრთნელმა ჯან პიერო გასპერინიმ მადრიდის „რეალთან“ მატჩის შემდეგ კომენტარი გააკეთა. იტალიელი სპეციალისტის განცხადებით, მის გუნდს უკეთ თამაში შეეძლო, მაგრამ შეცდომები დაუშვეს.

„დასანანია, რადგან ჩემი აზრით, არსებობდა პირობები, რომ უკეთ გვეთამაშა, ორივე თამაში შეიძლებოდა განსხვავებული ყოფილიყო. გაშვებულ გოლებზე დიდი სინანული უნდა გვქონდეს. როდესაც ვამბობ, რომ ვერ ვითამაშეთ ისე, როგორც იმედი გვქონდა, ეს ტექნიკური გაგებით მეტოქის გამოც იყო, მაგრამ ზომები კარგად მივიღეთ, თამაში უკეთესად ვერ განვავითარეთ. ნებისმიერ შემთხვევაში, პატივი იყო ასეთ გუნდთან თამაში და ჩვენთვის ეს საამაყოა“, - თქვა გასპერინიმ.

შეგახსენებთ, რომ „ატალანტა“ ორი მატჩის ჯამში „რეალთან“ 1:4 (0:1, 1:3) დამარცხდა და შარშანდელი შედეგი (მეოთხედფინალი) ვერ გაიმეორა.