ესპანური პრიმერას 27-ე ტურში „უესკასთან“ გამარჯვების შემდეგ (4:1), „ბარსელონას“ მთავარმა მწვრთნელმა, რონალდ კუმანმა, ჟურნალისტებს გუნდის ლიდერ ლიონელ მესიზე გაუზიარა თავისი აზრი. არგენტინელმა ამ მატჩში დუბლი შეასრულა.

„მესიმ კიდევ ერთხელ დაამტკიცა, რომ საუკეთესოა. პირველი გოლი ხომ საერთოდ ფანტასტიკური იყო. ლეოზე ბევრია უკვე ნათქვამი და ძნელია რაიმეს დამატება. ის ხომ წლებია ასეთ დონეზე თამაშობს.

მესი ყველაზე მნიშვნელოვანი ადამიანია „ბარსელონას“ ისტორიაში. საბედნიეროდ, ის დღესაც ჩვენთანაა.“ - ციტირებს ნიდერლანდელი სპეციალისტის სიტყვებს Marca.

მესი კატალონიური კლუბის ღირსებას მთელი კარიერის მანძილზე იცავს, 2003 წლიდან. გუნდთან ერთად მან 34 ჯილდო მოიგო.