„მანჩესტერ იუნაიტედის“ მთავარმა მწვრთნელმა ოლე გუნარ სულშერმა განაცხადა, რომ გუნდში კრიშტიანუ რონალდუს ყოლა სურს. ნორვეგიელმა სპეციალისტმა ორი ფეხბურთელი აარჩია მათ შორის, ვისი თანაგუნდელიც წარსულში „წითელ ეშმაკებში“ თავად იყო.

„არსებობს რამდენიმე ფეხბურთელი, რომელთა ერთადაც „წითელ ეშმაკებში“ ვთამაშობდი და გუნდში ვისურვებდი. რო კინით დავიწყებდი, მაგრამ დარწმუნებული არ ვარ, რომ მისი მართვა შემიძლია. მეორე კი კრიშტიანუ რონალდუა, რომელიც ბოლო 10-15 წლის მსოფლიოს საუკეთესო ფეხბურთელია ლიონელ მესისთან ერთად“, - თქვა ნორვეგიელმა კლუბის ვებგვერდთან საუბრისას.

შეგახსენებთ, კრიშტიანუ რონალდუ „მანჩესტერში“ 2003-2009 წლებში თამაშობდა და 292მატჩში 118 გოლი გაიტანა. პორტუგალიელის „იუვენტუსიდან“ წასვლაზე ბოლო აქტიურად საუბრობენ და მას მადრიდის „რეალს“ უკავშირებენ, მაგრამ ერთ-ერთ პოტენციურ ვარიანტად ინგლისურ გრანდში დაბრუნებაც განიხილება.