ინგლისის ეროვნული ნაკრების და ლონდონის "ტოტენჰემის" თავდამსხმელი ჰარი კეინი გულშემატკივრებმა გამოკითხვის შედეგად ევროპა ლიგის კვირის საუკეთესო ფეხბურთელად დაასახელეს. კეინს კონკურენციას დუშან ტადიჩი, ლორენცო პელეგრინი და რობერტო სოლდადო უწევდნენ.

კეინმა ზაგრების "დინამოსთან" მოგებულ (2:0) მერვედფინალური ეტაპის პირველ მატჩში დუბლი შეასრულა. ჰარიმ კარისკენ ორჯერ დაარტყა და ორივეჯერ ზუსტი აღმოჩნდა. ინგლისელი კვირის სიმბოლურ ნაკრებშიც მოხვდა. მიმდინარე სეზონში კეინმა 37 მატჩი ჩაატარა, გაიტანა 26 გოლი და 16 საგოლე გადაცემა შეასრულა.