ზაფხულის სატრანსფერო ფანჯრისას, გერმანელმა შემტევმა, ტიმო ვერნერმა, შესაძლოა, „ჩელსი“ დატოვოს - გვამცნობს Football Insider.

წყაროს ინფორმაციით, ლონდონურ კლუბში 25 წლის გერმანელით მაინცდამაინც კმაყოფილები არ არიან და ფიქრობენ, რომ უკეთესი იქნება თუ ტიმო დროებით სამშობლოში დაბრუნდება.

ვერნერი „ჩელსიში“ 2020 წლის ზაფხულში გადავიდა „ლაიფციგიდან“ 53 მილიონ ევროდ. მიმდინარე სეზონში მან 37 მატჩში 10 ბურთი გაიტანა და 9 საგოლე პასი შეასრულა.