უნგრეთის ჩემპიონატში ბუდუ ზივზივაძე შედეგიან თამაშს აგრძელებს. „ფეჰერვარის“ ქართველმა ფორვარდმა 25-ე ტურში „ბუდაფოკის“ წინააღმდეგ გაიტანა.

ზივზივაძე 90-ე წუთზე შეცვალეს, მაგრამ მე-17 წუთზე ანგარიში გახსნა. 26 წლის შემტევმა საჯარიმოს მისადგომებიდან უძლიერესად დაარტყა და ულამაზესი გოლი მიითვალა. ბუდუს მიმდინარე სეზონში კონკრეტულად უნგრეთის ჩემპიონატში ჩატარებულ 22 შეხვედრაში 7 გოლი და 6 საგოლე პასი აქვს, რაც საკმაოდ კარგი შედეგია. ამასთან, სამჯერ თავი უნგრეთის თასზეც გამოიჩინა.

„ფეჰერვარმა“ მნიშვნელოვანი გამარჯვება მოიპოვა და სატურნირო ცხრილში 40 ქულით მესამე ადგილზე იმყოფება.