ბლოგი

13:41 | 21.02.2021 | ნანახია [] - ჯერ

9 რჩევა ვილი სანიოლს

მოგვწონს თუ არ მოგვწონს, მისი დანიშვნა სწორად მიგვაჩნია თუ არა ფაქტია, რომ საქართველოს ფეხბურთს ფედერაციის გადაწყვეტილებთ ჩვენი საფეხბურთო ნაკრების მთავარი მწვრთნელი ერთ დროს პოპულარული ფრანგი ფეხბურთთელი, ახლა კი დამწყვები მწვრთნელი, ვილი სანიოლი გახდა. ვილის არც ისეთი დიდი სამწვრთნელო გამოცდილება აქვს, თავისი მოსაზრებებით ერთი წიგნი კი არა, პატარა ბროშურა მაინც რიო გაავსოს და სავარაუდოდ დახმარება დასჭირდება იმაში, რომ მოახერხოს და გაუძღვეს ევროპის ერთ-ერთ ყველაზე უცნაურ კრებულს - საქართველოს საფეხბურთო ნაკრებს. გუნდს, რომელსაც ყველაფერი “ძალუძს“ მალტასთან მარცხით დაწყებული და მნიშვნელოვან მატჩში ერთბაშად 7 ნომინალური მცველის დაყენებით დამთავრებული.

ეს საქართველოა ჩემო ვილი და შენ ალბათ წარმოდგენაც კი არა გაქვს სად მიდიხარ, ვისთან მიდიხარ და წინ რა მოგელის. სწორედ ამიტომაც, გავკადნიერდებით და რამდენიმე ხუმრობანარევ რჩევას ახლავე მოგცემთ. ვინ იცის ეგებ მართლაც გამოიყენო და მადლობელიც კი დაგვრჩე.

1. პირველყოვლისა გაარკვიე ნაკრების რომელ ფეხბურთელებს ჰყავთ შავი ფერის “ბე ემ ვეს“ მარკის ავტომობილი. იცოდე, რომ ამ ავტომობილის მქონეთ ცალკე მიდგომა სჭირდებათ და მათთან ადვილი არ იქნება ჩვეულებრივი სამწვრთნელო პროცესის წარმართვა.

2. ქართული ენა იმ დონეზე მაინც ისწავლე, რომ ფეხბურთელებისგან ნათქვამი “შეჩემა“, “ეს ჩემისა“ და “ეს ჩემაალა“ განასხვავოთ და გაარკვიო ვისი მისამართითაა ნათქვამი.

3. როდესაც ფეხბურთელი ხშირად იგინება, მოსთხოვე ზუსტად განმარტოს გინების ობიექტი, დრო, ადგილი და ვითარება.

4. თუკი ფეხბურთელი მუდმივად აგვიანებს ვარჯიშებზე და ათასგვარ სულელურ მიზაზს იგონებს, იცოდე, რომ მისგან მაინც არაფერი გამოვა და ჯობია გუნდში საერთოდ არ გამოიძახო.

5. ერიდე სპორტულ ჟაკეტში, სპორტულ შარვალსა და ბოტასებში გამოწყობილ 50 წელს გადაცილებულ ხალხს. დაგისვამენ, ათას სისულელეზე ლაყაფით გაგაბრუებენ, ძალიან ბევრ რჩევას მოგცემენ და არც ერთი იქნება მათგან გამოსადეგი.

6. თამაშის მიმდინარეობისას თუკი ტრიბუნებიდან გაიგეთ შეძახილი “სუდია პი..სტ!“, იცოდეთ, რომ ამ გზით ქომაგები ცდილობენ მხარი დაგიჭირონ და დამარცხება მატჩის მსაჯს გადააბრალონ. თუმცა, ეს არ იქნება მუდმივად და ბოლოს თქვენც ამავეს დაგიძახებენ.

7. ერიდეთ ფეხბურთელების მამებს და ბიძებს. სულ მალე თავადაც მიხვდებით რატომაც!

8. გაიგე რომელ ფეხბურთელებს უყვარს ფილმები: “ბრიგადა“, “ბანდიტსკი პეტერბურგი“, “ბრატ“ და სხვა მისთანანი. ასევე გაიგე ვინ უსმენს მიხეილ შუფუტინსკის, გრეგორი ლეფსის და ოლეგ გაზმანოვის სიმღერებს. ამგვარი ფილმების და სიმღერების მოყვარულები არათუ ოფიციალურ, ამხანაგურ მატჩებზეც კი არ გააკარო ნაკრებს.

9. დაბოლოს... საქართველოში ეცადეთ რომ ბევრი ღვინო არ დალიოთ. სადაც კი არ უნდა წახვიდეთ ყველგან ღვინოს დაგაძალებენ და თუკი ერთხელ შეგატყვეს - “ამ ფრანგს დალევა უყვარსო“, აღარ მოგეშვებიან და აუცილებლად გაგალოთებენ. მაგათაც ეგ უნდათ!

არ ვიცი ეს რჩევები რამდენად გამოგადგება მუსიე ვილი სანიოლ, მაგრამ მერე იმას მაინც არ იტყვი, არავის გაუფრთხილებივარო. მოკლედ, ჩვენ გვითქვამს და დანარჩენი შენ იცი!

0.138711