ფეხბურთი

23:18 | 11.02.2021 | ნანახია [] - ჯერ

რაიოლა: "იბრაჰიმოვიჩმა "მილანი" გადაარჩინა"

ცნობილმა საფეხბურთო აგენტმა მინო რაიოლამ ჯანლუიჯი დონარუმას, ზლატან იბრაჰიმოვიჩისა და პოლ პოგბას შესახებ ისაუბრა. იტალიელ მეკარეს „მილანთან“ კონტრაქტი სეზონის ბოლოს ეწურება და მასაც კომენტარის გაკეთება ამ თემაზე მოუწია.

შემდეგ უკვე ზლატანზე ისაუბრა და აღნიშნა, რომ მან „მილანი“ გადაარჩინა, ხოლო პოგბაზე კომენტარის გაკეთებისგან თავი შეიკავა.

„დონარუმას მშვიდად ყოფნის საშუალება უნდა ჰქონდეს, რადგან ის ცდილობს „მილანისთვის“ და მისი კარიერისთვის ძალიან მნიშვნელოვანი რამ გააკეთოს. დანარჩენი ყველაფერი კულისებს მიღმა უნდა გაკეთდეს და ისე, რომ ამაზე არავინ არაფერი იცოდეს, რომ არ ისაუბროს. ასე იქნება სამუდამოდ.

იბრაჰიმოვიჩი? მისგან არაფერი მაკვირვებს, მე ვთქვი, რომ ერთადერთი რამაც, შეიძლება „მილანი“ გადაარჩინოს, ზლატანი იყო და ასეც მოხდა. ახალ კონტრაქტზე მას უნდა ჰკითხოთ, არ ვიცი რა განზრახვები აქვს, მაგრამ ის არის ადამიანი, რომელიც ყველას აუმჯობესებს, ის ალტრუისტია და „მილანში“ სჭირდებოდა დაბრუნება იმ ადგილზე, სადაც უნდა წასულიყო. ამას ისინიც მიხვდნენ და ახლა ბედნიერი ვარ მის გამო, „მილანისთვის“ და „მილანის“ ფანების გამო.

პოგბა? ხალხი ძალიან ნერვიულობს, როდესაც მასზე ვლაპარაკობ, ამიტომაც, მივხვდი, რომ უმჯობესია არ ვილაპარაკო“, - აღნიშნა რაიოლამ.

0.128108