NBA-ში „ინდიანა პეისერსი“ საკუთარ მოედანზე "ნიუ ორლეან პელიკანსს“ დაუპირისპირდა და დრამატულ ბრძოლაში 113:114 დამარცხდა. შეხვედრა დაძაბული გამოდგა და მისი ბედი ბოლო წამებზე გადაწყდა, გოგა ბითაძეს კი მიმდინარე სეზონში საუკეთესო თამაში ჰქონდა - 19 წუთი ითამაშა და ორი სამქულიანი ჩააგდო...
ინდიანაპოლისელები ბოლო პერიოდის წინ 11 ქულით მარცხდებოდნენ და გადამწყვეტ მეოთხედში შესანიშნავად ითამაშეს. საფინალო სირენამდე 37 წამით ადრე მაილს ტერნერის სამქულიანით „ინდიანამ“ სხვაობის ერთადერთ ქულამდე შემცირება შეძლო, მაგრამ დარჩენილ დროში „ნიუ ორლეანელებმა“ თავი კარგად დაიცვეს და გამარჯვებაც მოიპოვეს. საგულისხმოა, რომ ბითაძემ უმეტესად იმ დროში ითამაშა, როცა "ინდიანამ" სოლიდური ჩამორჩენა აღმოფხვრა (მესამე-მეოთხე პერიოდში).
ქართველმა ცენტრმა პარკეტზე მთლიანობაში 19:11 წუთი გაატარა, ხსენებულ დროში კი 10 ქულა, 3 მოხსნა (1 მეტოქის ფარზე) და 2 დაფარება მიითვალა. გოგამ 3-დან 2 ორქულიანი და 4-დან 2 სამქულიანი ჩააგდო, რის შედეგადაც შეტევაში 57%-იანი სიზუსტით ითამაშა. ნიშანდობლივია, რომ ერთი სამქულიანი გოგამ სირენას ხმასთან ერთად ჩააგდო - მესამე პერიოდში, როდესაც მისი გუდი 72:86 მარცხდებოდა, ქართველის სამიანი კალათში ჩაეშვა და ამრიგად, „ბაზერი“ მიითვალა და მესამე პერიოდიც მისი ქულებით დასრულდა.
ვთქვათ ისიც, რომ გოგამ ზაიონ უილიამსონს დააფარა! სხვათა შორის, იგივე მატჩს მიწურულსაც გააკეთა, მაგრამ მსაჯებმა ჯარიმა დაფიქსირეს. საბოლოოდ, გოგა თამაშს ზედმეტი ფოლების გამო საფინალო სირენამდე ორი წუთით ადრე გამოეთიშა.
„პეისერსის“ რიგებში საუკეთესო ჯასტინ ჰოლიდეი იყო, რომელმაც 22 ქულა, 6 მოხსნა და 4 პასი დააგროვა, ხოლო ბრენდონ ინგრამმა გაიბრწყინა, რომელმაც 30 ქულა, 6 მოხსნა და 7 პასი დააგროვა.
„ინდიანა პეისერსი“ აღმოსავლეთ კონფერენციაში 12 მოგებით და 11 წაგებით მეხუთე ადგილზეა და მომდევნო შეხვედრას 7 თებერვალს „იუტა ჯაზის“ წინააღმდეგ გამართავს.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
ფაქტია რომ გოგა თანამედროვე ცენტრის კრიტერიუმებს პასუხობს - მობილურია და შორი დისტანციიდან არცთუ ურიგოდ ისვრის.
დაცვაში აკურატული თამაში მისი "აქილევსის ქუსლია". თუ ეს პრობლემა გამოასწორა, ალბათ მწვრთნელის ნდობაც მოვა.
დავაი გოგა უფრო მეტი იმუშავე შენს თავზე !! ჩვენი ლებრონი უნდა გაიჩითო. ისეთ ჯანზე უნდა იდგე ვერავინ მოგეკაროს !!
გოგა მაგარი რომ იყო ვიცოდი, მაგრამ ასეთი მაგარი თუ იყო არ მეგონა.
ნბა შიც დაინახეს. იმიტომ იყო მწვრთნელმა არ გაიყვანა მოედნიდან და საბონისი და ტერნერი დატოვა სკამზე. ბოლო წამებზე ტერნერი ძალით შემოხტა მოედანზე და კი წააგებინა გუნდს.
ზიონი რომელსაც მიიჩნევენ სუპერ ტალანტად 10-20 წელიწადში ერთხელ რომ იბადებიან დაასვარკა რამოდენიმეჯერ. ტიპს ფარისკენ გახედვაც აღარ უნდოდა. მსაჯების უაზრო გადაწვეტილებები რომ არა მინ 3 ბლოკი ექნებოდა მარტო ზიონზე. ეგ ტერნერმა (საუკეთესო მბლოკავმა ნბა ში) და საბონისმა ვერ მოახერხეს ერთად. ორივეს გაადაატენა რამდენჯერმე ზიონამ თავზე.
გოგა ძაან ჭკვიანია, უამრავი მაგარი სქილი აქვს და ძაან მებრძოლია.
ჯერჯერობით გადაცემებს არ აძლევენ სამწუხაროდ სამწამიანში რის გამოც ქულები ნაკლები უგროვდება, მაგრამ ახალი მწვრთელი მემგონი გამოასწორებს მაგასაც. სასწაული % აქვს სამწამიანში გოგას.
წარმატებები გოგა და ძაან ვამაყობთ შენით
ყოჩაღ გოგას! ეს არის იმის შედეგი რომ რამდენიმე თამაშია რაღაც წუთებს აძლევენ. თანდათანობით პასების მიცემასაც მოუმატებენ. თანდათან შეეჩვევა გუნდსაც და ლიგასაც. აბა სკამზე ჯდომით განვითარების შანსი ნულია. საბონისისგან თუ რამე გამოვიდოდა ნამდვილად არ მეგონა ისეთი უსუსური იყო ოკლაში, ინდიანაში კი სუპერია ტიპი.
ნეთსი ნელნელა ემსგავსება ჯამბაზების საძმოს. უკვე რამდენ თამაშს ვუყურე და გუნდს კომბინაციური შეტევა ჯერ არ გაუკეთებია. ყველაფერი კეთდება სუფთა ინდივიდუალიზმით. ლოურიმ ჩაუტარა მასტერკლასი ირვინგსა და ჰარდენს. ნუ მსაჯების თემა არახალია და არამგონია მსოფლიოს ყველაზე ჩამორჩენილ ქვეყანაში სადაც კალათბურთს თამაშობენ ნბა-ზე ცუდი მსაჯობა იყოს მაგრამ რაც ნეშმა და დანტონიმ გააკეთეს რის გამოც დურანტს აუკრძალეს თამაშის გაგრძელება სასაცილოც კი არ არის.
2 ჯარიმა მოუგონეს ორივე შემთხვევაში ზაიონა ჩამოხსნა ფარიდან....
ნორმალურად ითამაშა მაგრამ დაცვაში თუ არ მოუმატა 5 წუთზე მეტს აღარ ათამაშებენ სამწუხაროდ, რაგახდა ეს ჯარიმები :/
მებრძოლია ზაზას მაგონებს