ესპანეთის თასის მეოთხედფინალში, „გრანადას“ წინააღმდეგ (5:3), „ბარსელონას“ მცველმა, სერხი რობერტომ ისევ ტრავმა მიიღო - გვამცნობს კლუბის პრესსამსახური.

სერხი მატჩის 57-ე წუთზე შეცვალეს. უახლოეს ხანში მას სამედიცინო გამოკვლევა ჩაუტარდება და ცნობილი გახდება რამდენად მძიმეა ტრავმა.

საინტერესოა, რომ სერხი ამ შეხვედრაში სამთვიანი შესვენების შემდეგ დაუბრუნდა მინდორს, რაც ასევე კუნთის ტრავმით იყო გამოწვეული.