ტურინის „იუვენტუსის“ ყოფილმა მწვრთნელმა მაურიციო სარიმ „მარსელის“ გაწვრთნაზე უარი განაცხადა. ინფორმაცია თავის ტვიტერის გვერდზე ჟურნალისტმა ფაბრიციო რომანომ დაწერა.

წყაროს თანახმად, 62 წლის იტელიელმა სპეციალისტმა სკანდალურად გათავისუფლებული ანდრე ვილაშ-ბოაშის ჩანაცვლებაზე უარი თქვა, მიზეზი კი არ გახმაურებულა.

შეგახსენებთ, რომ სარი „იუვენტუსიდან“ არადამაკმაყოფილებელი შედეგების გამო დაითხოვეს, ის ასევე იტალიური „ნაპოლის“ და ლონდონის „ჩელსის“ მთავარი მწვრთნელი იყო.