დიდი მოხერხებული და მამაილა ვინმე უნდა იყოს რუმინული წარმოშობის ესპანელი მოდელი მარინა მუნტანარი, რომელსაც როგორც ჩანს ცნობილ მობურთალთა მოხიბლვის განსაკუთრებული უნარები გააჩნია და თავს არ ზოგავს, რომ ისეთი ჯეელი გამოიჭიროს, რომელიც სახსარსაც მოუმრავლებს და პოპულარობასაც.

27 წლის მარინამ ის ის იყო ურთიერთობა დაასრულა მარკო ასენსიოსთან, რომ უმალ ზინედინ ზიდანის შვილს, ლუკა ზიდანს დაუახლოვდა და ისიც ცნობილი გახდა, რომ ეს ახლადდახლოვებული წყვილი ამჟამად ესპანეთის ცნობილ კუნძულ იბიცაზე ერთად ისვენებს.

აქვე ობიექტურობა მოითხოვს იმის აღნიშვნასაც, რომ ლუკა ზიდანი მამისგან განსხვავებით ფეხთამშვერი ქალების დიდი მოყვარულია და მარინა მუნტანარს სავარაუდოდ დიდი ბრძოლა და ჯახირი არ დასჭირდებოდა მის ხელში ჩასაგდებად. რას ვერჩით? ეს ის შემთხვევაა, როდესაც ყველა კმაყოფილია...