ლონდონის „ჩელსის“ მთავარი მწვრთნელის რანგში ტომას ტუხელმა სადებიუტო გამარჯვება მოიპოვა. „ბარნლისთან“ (2:0) მოგების შემდეგ გერმანელმა სპეციალისტმა კომენტარი გააკეთა და გუნდის თამაშით კმაყოფილი დარჩა.

„შესანიშნავი მატჩი იყო, მაგრამ განსაკუთრებით დაცვა გახლდათ საიმედო. მოთმინებით ვითამაშეთ, თამაში გავაკონტროლეთ, უამრავი საგოლე მომენტი შევქმენით, მაღლა ვმოქმედებდით. ბევრი კარგი რამ იყო. ბურთის ფლობა თავისთავად არაფერს ნიშნავს, მაგრამ თუ ბურთის ფლობის საკმარისი უნარი გაქვს, რატომ არ უნდა გავაკეთოთ ეს?

მინდა ყველა მოთამაშეს მივცე საშუალება დაამტკიცონ თავიანთი შესაძლებლობები. ახლა ყველას აქვს უფლება სასტარტო შემადგენლობაში იყოს, ამიტომ, ჩემთვის ძალიან რთულია არჩევანის გაკეთება.

ვერნერი? ის სრულად არის ვარჯიშებში ჩართილი, ყველაფერს აკეთებს მოედანზე, უბრალოდ ასეთი რამ ყველა ფორვარდს ემართება. ჩვენ ვერ შევძელით კონტრშეტევებზე მისი ძალის სრულად გამოყენება, ამაზე უნდა ვიმუშაოთ. ამავე დროს, ის საკუთარ თავში დარწმუნებულია“, - თქვა ტუხელმა.

შეგახსენებთ, რომ ლონდონის „ჩელსიმ“ „ბარნლისთან“ მოგების შემდეგ 30 ქულით მეშვიდე ადგილზე გადაინაცვლა.