ლონდონის „ჩელსის“ მთავარ მწვრთნელად ტომას ტუხელი დაინიშნა. ინგლისურმა გუნდმა ეს ინფორმაცია ოფიციალურად დაადასტურა. ტუხელმა „არისტოკრატებთან“ კონტრაქტი 2022 წლის ზაფხულამდე გააფორმა, 1 წლით გახანგრძლივების შესაძლებლობით.

„ჩვენ ძალიან ბედნიერები ვართ, რომ ევროპაში ერთ-ერთი საუკეთესო მწვრთნელი დავნიშნეთ. ამ სეზონში ჯერ კიდევ ბევრი რამის მიღწევა შეგვიძლია“, - თქვა მარინა გრანოვსკაიამ.

კომენტარი თავად გერმანელმა სპეციალისტმაც გააკეთა და აღნიშნა, რომ მოუთმენლად ელოდება ახალ გამოწვევას:

„უდიდეს პატივს ვცემ ლამპარდის ნამუშევარს და მემკვიდრეობას, რომელიც მან დატოვა. ამავდროულად მოუთმენლად ველოდები გუნდთან შეხვედრას და მსოფლიოში ყველაზე ემოციურ ლიგაში ბრძოლას“, - აღნიშნა ტუხელმა.

შეგახსენებთ, „ჩელსი“ პრემიერლიგაში 19 ტურის შემდეგ 29 ქულით მეცხრე ადგილზეა. ტუხელი ბოლოს „პარი სენ ჟერმენში“ მუშაობდა, საიდანაც გასული წლის დეკემბერში დაითხოვეს.