ჰაცუ ბაშო დასრულდა - ქართველმა სუმოისტმა კი ძალიან ცუდი შედეგი დააფიქსირა. ტოჩინოშინმა წლის პირველ სუპერტურნირზე 4 გამარჯვების საპირისპიროდ 11 მარცხი იწვნია, რაც იმის მომასწავებელია, რომ რეიტინგში საგრძნობი რეგრესი ელის.

მე-4 მაეგაშიას სტატუსით მოასპარეზე ტოჩი ბოლო საშეჯიბრო დღეს ტერუცუოშს შეხვდა და იორიკირის ილეთით წააგო. მცირე წონოსანმა მეტოქემ ლევანს შანსი არ დაუტოვა და დოჰიოს მიღმა ადვილად გადაიყვანა.

ეს აღნიშნული წყვილის მე-4 დაპირისპირება იყო და ჩვენებურს მოგება-წაგების ბალანსი უარყოფითი - 1:3-ზე აქვს.

„იმპერატორის თასს“ ყველასათვის მოულოდნელად პირველი მაეგაშირა დაიეიშო დაეუფლა. მან იანვრის ბაშოზე ზედიზეც 8 მოგების შემდგომ ჯერ ტაკარაფუჯისთან ჰატაკიკომით, შემდგომ კი ონოშოსთან ცუკიოტოშით წააგო, თუმცა 13 გამარჯვება საკმარისი გამოდგა.

ბოლო გამარჯვება 28 წლის იაპონელმა ოკინეუმთან მოიპოვა, რომელიც ცუკიდაშის ილეთით დაამარცხა.

11:4-ზე ბალანსით დაასრულეს ასპარეზობა ოძეკებმა ასანოამამ და შოდაიმ. აღსანიშნავია ისიც, რომ ბოლო მე-13 საშეჯიბრო დღის ჩათვლით ჩემპიონობის შანსს შოდაიც ინარჩუნებდა, თუმცა ბოლო 2 შეხვედრა ვერ მოიგო და შესაბამისად შანსიც ხელიდან გაუშა.

აქვე გეტყვით, რომ განახლებული რეიტინგი პირველ მარტს გამოქვეყნდება, მომდევნო ბაშო კი 14-28 მარტს გაიმართება.