თურქული „ტრაბზონსფორი“ ლონდონის „ტოტენჰემის“ მცველით, დენი როუზით დაინტერესდა - გვამცნობს Sky Sports.

წყაროს მტკიცებით, „ტრაბზონი“ დიდად ყოფილა მოწადინებული 30 წლის ფეხბურთელის გადაბირებით და ეცდება ზამთრის სატრანსფერო ფანჯრისას გამოისყიდოს იგი. მხარეები უკვე მიუსხდნენ მოლაპარაკების მაგიდას.

მიმდინარე სეზონში როუზს არცერთი მატჩი ჩაუტარებია „ტოტენჰემის“ ძირითადი გუნდის შემადგენლობაში. ახალგაზრდულში კი ორჯერ გამოჩნდა მინდორზე და ერთი საგოლე პასი შეასრულა.

პორტალ transfermarkt-ის შეფასებით, როუზის სატრანსფერო ფასი 6 მილიონი ევროა.