ფეხბურთი

2:08 | 15.01.2021 | ნანახია [] - ჯერ

"ბილბაომ" "ელ კლასიკო" განზე გაწია: ბასკები ფინალში გავიდნენ

ესპანეთის სუპერთასის ფინალში „ელ კლასიკო“ არ გაიმართება. ყველაფერი ბილბაოს „ატლეტიკმა“ ჩაშალა, რომელმაც ნახევარფინალში მადრიდის „რეალს“ ფინალისკენ მიმავალი გზა ჩაუკეტა.

მარსელინოს გუნდმა მალაგაში „სამეფო კლუბს“ დამსახურებულად მოუგო და სატიტულე შეხვედრაში მონაწილეობის უფლება მოიპოვა. რაულ გარსიამ მე-18 წუთზე ანგარიში გახსნა და ბასკები დააწინაურა. ესპანელმა ნახევარმცელმა 20 წუთში პენალტი დაარტყა უნაკლოდ და „ბილბაომ“ ტაიმი კომფორტული უპირატესობით მოიგო.

ცხადია, მეორე ტაიმში ზინედინ ზიდანის გუნდი გააქტიურდა და საგოლე მომენტებიც შექმნა. ერთხელ ბურთი ძელს მოხვდა, ერთხელაც ხარიხას, ხოლო 73-ე წუთზე კარიმ ბენზემამ გაიტანა და სხვაობა შეამცირა. ფრანგმა ცოტა ხანში დუბლიც შეასრულა, მაგრამ თამაშგარე მდგომარეობის გამო გოლი გაუქმა და „რეალმა“ თამაში ვეღარ გადაარჩინა.

ამრიგად, ესპანეთის სუპერთასისთვის 17 იანვარს, „ბარსელონა“ და ბილბაოს „ატლეტიკი“ დაუპირისპირდებიან.

„რეალი“ – „ბილბაო“ 1:2 (0:2)

გოლები: 0:1 რაულ გარსია (18), 0:2 რაულ გარსია (38, პენ), 1:2 ბენზემა (73)

0.112638