ნიდერლანდების ნაკრების ფეხბურთელი კევინ სტროტმანი იტალიაში დაბრუნდა და კარიერას „ჯენოაში“ გააგრძელებს. გენუურმა გუნდმა 30 წლის ნახევარმცველი მიმდინარე სეზონის ბოლომდე ინათხოვრა.

სტროტმანი 2018 წლიდან მარსელის „ოლიმპიკში“ თამაშობდა და 78 მატჩში 3 გოლთან ერთად 9 საგოლე პასი შეასრულა.

ნიდერლანდელი ფეხბურთელისთვის სერია A ნაცნობი ჩემპიონატია, რადგან წლების განმავლობაში „რომას“ ღირსებას იცავდა. „ჯალოროსის“ მაისურით სტროტმანმა 131 თამაშში 13 გოლი გაიტანა და 19 საგოლე პასი მიითვალა.