ქართველი ძიუდოისტი დავით ხახალეიშვილი 49 წლის ასაკში გარდაიცვალა. მას გულის პრობლემები ჰქონდა, მინსკში ოპერაციაც გაუკეთდა, მაგრამ ამან შედეგი ვერ გამოიღო.

ლეგენდარული ქართველი ძიუდოისტი 1992 წლის ოლიმპიური თამაშების ჩემპიონია (+95 კგ). გარდა ამისა, მსოფლიოს ჩემპიონატზე ორ-ორჯერ ვერცხლისა და ბრინჯაოს მედლები მოიპოვა. ევროპის ჩემპიონი სამჯერ გახდა, ხოლო ერთხელ ბრინჯაოს მედალს დაეუფლა. დავით ხახალეიშვილი დამოუკიდებელი საქართველოს ისტორიაში პირველი ოლიმპიური ჩემპიონია.

„მსოფლიო სპორტის“ რედაქცია მწუხარებას გამოთქვამს და უსამძიმრებს გარდაცვლილის ოჯახის წევრებს, მეგობრებსა და ქართულ სპორტულ სამყაროს.