საქართველოს პირველი ჩოგანი ნიკოლოზ ბასილაშვილი ანტალიის საერთაშორისო ტურნირის მეოთხედფინალში გავიდა. ქართველმა ჩოგბურთელმა მეორე წრეში მასპინძელი ალტუგ ჩელიკბილეკი დაამარცხა.

პირველი სეტი დაძაბული გამოდგა და ნიკოლოზმა საბოლოოდ ტაიბრეიკზე იმარჯვა 7:6 (7:1). ბასილაშვილმა დაწყებული საქმის ბოლომდე წარმატებით მიყვანა შეძლო, მეორე სეტი 6:4 მოიგო და ზედიზედ მეორე გამარჯვებაც მოიპოვა. ნიკოლოზმა 3 ეისი მიითვალა და 4-ჯერ ორმაგი შეცდომა დაუშვა.

ამრიგად, ბასილაშვილი ანტალიის საერთაშორისო ტურნირის მეოთხედფინალშია, სადაც 11 იანვარს ავსტრიელ ალექს დე მინორის დაუპირისპირდება, რომელიც რეიტინგში 23-ეა. ეს ჩოგბურთელები აქამდე არასდროს შეხვედრიან.

ბასილაშვილი - ჩელიკბილეკი 7:6, 6:4