ფეხბურთი

22:30 | 4.01.2021 | ნანახია [] - ჯერ

დონარუმას "მილანში" დარჩენა სურს, რაიოლა - წინააღმდეგია

ჯანლუიჯი დონარუმას „მილანში“ დარჩენა სურს, მაგრამ ამის წინააღმდეგია მისი აგენტი, მინო რაიოლა. Sportmediaset-ის ინფორმაციით, რაიოლას უნდა, რომ თავისი კლიენტი ლონდონის „ჩელსიში“ ან „პარი სენ ჟერმენში“ გადაიყვანოს.

ორივე გუნდი ახალი სეზონისთის მაღალი დონის მეკარის ძიებაშია და მზად არიან დონარუმას ხელფასის სახისთ სეზონში 12-14 მილიონი ევრო გადაუხადონ. სწორედ ხელფასია მთავარი დაბრკოლება მისი „მილანში“ დარჩენის საკითხში. 21 წლის კიპერი მინიმუმ 10 მილიონ ევროს ითხოვს, მაგრამ კლუბს კონტრაქტის განახლების შემთხვევაში მხოლოდ 7 მილიონი ევროს გაღება შეუძლია.

მიუხედავად ამისა, იტალიელი ტალანტი მზადაა მშობლიურ კლუბში დარჩეს, მაგრამ მინო რაიოლა ამის კატეგორიული წინააღმდეგია და თავის კლიენტს გუნდის დატოვებას ურჩევს. აღსანიშნავია, რომ დონარუმას „როსონერისთან“ კონტრაქტი მიმდინარე წლის 30 ივნისს ეწურება და თუ მანამდე არ გაახანგრძლივებს, თავისუფალი აგენტი გახდება.

ჯანლუიჯი დონარუმა „მილანში“ 2015 წლიდან თამაშობს და შავ-წითელთა რიგებში 224 მატჩი აქვს ჩატარებული.

0.144834