კრისტიან ერიკსენი იანვრის სატრანსფერო პერიოდში მილანის „ინტერს“ დატოვებს. აღნიშნული ინფორმაცია იტალიურ მედიას „ნერაძურის“ სპორტულმა დირექტორმა ჯუზეპე მაროტამ დაუდასტურა.
როგორც მაროტამ თქვა, ერიკსენი ტრანსფერზე დააყენეს და მიღებულ წინადადებებს განიხილავენ:
„ის სატრანსფერო ბაზარზეა. ჩვენი გუნდისთვის ფუნქციონალური ფეხბურთელი არ არის და მივცემთ შესაძლებლობას, რომ სხვა გუნდი იპოვოს. ეს ნამდვილად არ არის სასჯელი“, - თქვა მაროტამ.
შეგახსენებთ, კრისტიან ერიკსენი „ინტერმა“ ზუსტად ერთი წლის წინ დაიმატა და შავ-ლურჯი მაისურით 37 მატჩში 4 გოლი გაიტაა. თუმცა, ანტონიო კონტეს სათამაშო სისტემას ვერ შეეწყო და გუნდს დატოვებს.
