ამერიკის სტუდენტურ ლიგაში მორიგი კარგი თამაში ჩაატარა სანდრო მამუკელაშვილმა. ქართველი კალათბურთელის „სეტონ ჰოლი“ სტუმრად „მარკეტ გოლდენ იგლსს“ დაუპირისპირდა, მეტოქე 70:63 დაამარცხა და ზედიზედ მეოთხე გამარჯვება მოიპოვა.

აღნიშნულ შეხვედრაში სანდრომ პარკეტზე 39 წუთი გაატარა და ხსენებულ დროში 17 ქულა, 6 მოხსნა და 7 პასი მიითვალა. მამუკელაშვილმა 12-დან 5 ორქულიანი, 4-დან 1 სამქულიანი და 5-დან 4 საჯარიმო ჩააგდო.

აღსანიშნავია, რომ ჩვენებური როგორც ჩაგდებული ქულებით, ასევე პასებით საკუთარ გუნდში ყველაზე შედეგიანი იყო. მას მხოლოდ მოხსნებში აჯობა ჯადედ როდენმა, რომელსაც 16 ქულასთან ერთად 8 მოხსნა ჰქონდა.

„სეტონ ჰოლს“ Big East-ის კონფერენციაში 2 მოგება აქვს, მომდევნო მატჩს კი 21 დეკემბერს, „პროვიდენსთან“ ჩაატარებს. აქვე გეტყვით, რომ მიმდინარე სეზონში ქართველი კალათბურთელის გუნდმა სულ 8 შეხვედრა ჩაატარა, რომელთაგანაც 5 მოიგო, 3 კი მარცხით დაასრულა.