კატალონიის „ბარსელონას“ პრეზიდენტობის კანდიდანტმა ჟოან ლაპორტამ საარჩევნო კამპანია მოულოდნელი ნაბიჯით დაიწყო.

მან თავისი დიდი ბილბორდი მადრიდში, „სანტიაგო ბერნაბეუს“ სტადიონიდან რამდენიმე მეტრში განათავსა. „მინდა კიდევ ერთხელ შევხვდეთ“, - წერია ბილბორდზე, რომელზეც ლაპორტაა გამოსახული.

ბუნებრივია, ეს ლაპორტას მხრიდან „ბარსელონას“ მთავარი კონკურენტის, მადრიდის „რეალისადმი“ პროვოკაციული ნაბიჯია.

შეგახსენებთ, კატალონურ გრანდში საპრეზიდენტო არჩვენები 24 იანვარსაა დაგეგმილი. ლაპორტა „ბლაუგრანას“ 2003-2010 წლებში უკვე ხელმძღვანელობდა.