ამერიკის სტუდენტური ლიგის BIG EAST-ის კონფერენციამ კვირის ნომინანტები დაასახელა, სიმბოლურ გუნდში კი ქართველი კალათბურთელი სანდრო მამუკელაშვილი მოხვდა. ეს სანდროს ზედიზედ მეორე აღიარებაა, რადგან ახალგაზრდა კალათბურთელი გასული კვირის სიმბოლურ ხუთეულშიც დაასახელეს.

მამუკელაშვილმა სენტ ჯონსთან მოგებულ მატჩში მისთვის რეკორდული 32 ქულა ჩააგდო და ამასთან ერთად 9 მოხსნაც მიითვალა. კვირის ორ მატჩში კი საშუალოდ 19 ქულასა და 7 მოხსნას აკეთებდა, სეტონ ჰოლმა ორივე თამაში მოიგო”, – წერს კონფერენციის ოფიციალური საიტი.

რაც შეეხება კონფერენციის კვირის საუკეთესო მოთამაშეს, ის „პროვიდენსის“ კალათბურთელი დევიდ დიუკი გახდა.

BIG EAST Honor Roll ხუთეულიშემდეგნაირად გამოიყურება: კოლინ გილესპი, დენზელ მაჰოუნი, ჯამორკო პიკეტი, სანდრო მამუკელაშვილი, ზაკ ფრიმენტლი.