„მანჩესტერ სიტის“ ნოემბრის საუკეთესო ფეხბურთელად პორტუგალიელი მცველი, რუბენ დიაში დაასახელეს.
გულშემატკივართა გამოკითხვის შედეგად, 23 წლის დიაშმა პირველი ადგილი დაიკავა, აჯობა ჯონ სტოუნზსა და ჟოაუ კანსელუს - გვამცნობს კლუბის ოფიციალური საიტი.
ნოემბერში „ქალაქელებმა“ ხუთ მატჩში მხოლოდ ერთი გოლი გაუშვეს.
2020 წლის 28 სექტემბერს „სიტიმ“ დიაშის ლისაბონის „ბენფიკადან“ 68 მილიონ ევროდ ყიდვის შესახებ გამოაცხადა.
