„ლივერპულის“ პორტუგალიელი შემტევი, დიოგუ ჟოტა, მუხლის ტრავმის გამო, კვირას, 13 დეკემბერს, პრემიერლიგის მე-12 ტურის მატჩს გამოტოვებს - გვამცნობს The Times.

ჟოტა „ლივერპულში“ გასული სატრანსფერო ფანჯრისას გადავიდა და უმალ იქცა გუნდის ერთ-ერთ ლიდერად. მერსისაიდელებმა „ვულვერჰემპტონს მასში 44,7 მილიონი ევრო გადაუხადეს და კონტრაქტი 2025 წლამდე გაუფორმეს. მიმდინარე სეზონში მან „წითლების“ მაისურით 17 მატჩი ჩაატარა და 9 გოლი გაიტანა.