იამაიკის ეროვნული ნაკრების და "ლევერკუზენის" შემტევი ლეონ ბეილი გულშემატკივრებმა ევროპა ლიგის კვირის საუკეთესო ფეხბურთელად დაასახელეს. აღნიშნული ინფორმაცია უეფას ოფიციალურმა ვებგვერდმა გაავრცელა.

ბეილიმ პრაღის "სლავიასთან" მოგებულ (4:0) მატჩში დუბლი შეასრულა და მასპინძლები დააწინაურა. აღნიშნული მოგებით გერმანელებმა ჯგუფში პირველი ადგილი 15 ქულით დაიკავეს. მიმდინარე სეზონში 23 წლის იამაიკელმა 15 შეხვედრაში შვიდი გოლის გატანა შეძლო და ასევე, ექვსი საგოლე გადაცემა შეასრულა.