ყაზახეთის ქალაქ ალმატიში მიმდინარე მსოფლიო ჩემპიონატზე ძალოსნობაში მე-2 ქართველი სპორტსმენი ვიხილეთ, თუმცა, მან საბოლოო შედეგის დაფიქსირება ვერ მოახერხა.

77 კგ. წონით კატეგორიაში მოასპარეზე გიორგი ლომთაძემ ატაცში 147-კილოგრამიანი შტანგა დასძლია, შემდეგ კი, 150 კგ-ზე ორი მისვლა გაუცუდდა.

პირველი მოძრაობის შემდეგ, ლომთაძე 21-ე იყო, თუმცა, აკვრაში 175 კგ. ვერცერთ ცდაზე ვერ დასძლია და ბრძოლასაც გამოეთიშა.

მსოფლიო ჩემპიონატზე კიდევ ოთხ ქართველი ძალოსანს ვიხილავთ. ფიცარნაგზე ნიკა ნანაძე (94 კგ.), გია მაჭავარიანი (105 კგ.), ირაკლი თურმანიძე და ალბერტ კუზილოვი (ორივე +105 კგ.) გავლენ.