დღეს, მსოფლიოს 2022 წლის ჩემპიონატის საკვალიფიკაციო ეტაპის წილისყრა გაიმართება და საქართველოს ნაკრების მეტოქეები გაირკვევა. ჩვენი ქვეყნის ეროვნული გუნდი წილისყრის წინ მეოთხე კალათაშია განთესილი და იქ მყოფ სხვა ნაკრებებს შესარჩევ ეტაპზე ვერ დაუპირისპირდება.

მუნდიალის საკვალიფიკაციო ეტაპის წილისყრა თბილისის დროით 21:00 საათზე დაიწყება და მის პირდაპირ ტრანსლაციას საზოგადოებრივი მაუწყებლის "პირველი არხი" გეგმავს.

2022 წლის მუნდიალის წილისყრის წინ კალათები:

• I კალათა: ბელგია, საფრანგეთი, ინგლისი, პორტუგალია, ესპანეთი, იტალია, ხორვატია, დანია, გერმანია, ნიდერლანდები

• II კალათა: შვეიცარია, უელსი, პოლონეთი, შვედეთი, ავსტრია, უკრაინა, სერბეთი, თურქეთი, სლოვაკეთი, რუმინეთი

• III კალათა: რუსეთი, უნგრეთი, ირლანდია, ჩეხეთი, ნორვეგია, ჩრდ. ირლანდია, ისლანდია, შოტლანდია, საბერძნეთი, ფინეთი

• IV კალათა: ბოსნია, სლოვენია, მონტენეგრო, ჩრდ. მაკედონია, ალბანეთი, ბულგარეთი, ისრაელი, ბელარუსი, საქართველო, ლუქსემბურგი

• V კალათა: სომხეთი, კვიპროსი, ფარერები, აზერბაიჯანი, ესტონეთი, ყაზახეთი, კოსოვო, ლიეტუვა, ლატვია, ანდორა

• VI კალათა: მალტა, მოლდოვა, ლიხტანშტაინი, გიბრალტარი, სან მარინო

საკვალიფიკაციო ეტაპის განრიგი:

I ტური: 24-25 მარტი

II ტური: 27-28 მარტი

III ტური: 30-31 მარტი

IV ტური: 1-2 სექტემბერი

V ტური: 4-5 სექტემბერი

VI ტური: 7-8 სექტემბერი

VII ტური: 8-9 ოქტომბერი

VIII ტური: 11-12 ოქტომბერი

IX ტური: 11-13 ნოემბერი

X ტური: 14-16 ნოემბერი

პლეი-ოფი, პირველი რაუნდი: 24-25 მარტი (2022 წელი)

პლეი-ოფი, მეორე რაუნდი: 28-29 მარტი (2022 წელი)

მსოფლიო ჩემპიონატის საგზურს 13 ევროპული ნაკრები მოიპოვებს. აქედან 10 საგზურს ჯგუფის პირველადგილოსნები ავტომატურად მიიღებენ, ხოლო მეორეადგილოსნები პლეი-ოფში გადაინაცვლებენ, სადაც მათ აწ დასრულებული ერთა ლიგის ჯგუფების გამარჯვებულებს შორის საუკეთესო ორი შედეგის მქონე ნაკრებები შეუერთდებიან (ცხადია, თუ ჩვეულებრივი შესარჩევი ციკლიდან არ მოიპოვებენ მუნდიალის ან პლეი-ოფის საგზურს).