ევროპა ლიგის ჯგუფური ეტაპის მეხუთე ტურის საუკეთესო ფეხბურთელად თურქეთის ეროვნული ნაკრების და "ლილის" თავდამსხმელი ბურაქ ილმაზი დაასახელეს. აღნიშნულ ინფორმაციას უეფას ოფიციალური ვებგვერდი ავრცელებს.

ილმაზმა მეხუთე ტურში პრაღის "სპარტასთან" მოგებულ (2:1) შეხვედრაში დუბლი შეასრულა და მისი წყალობით ფრანგები ჰგუფში პირველ ადგილს ინარჩუნებენ. 35 წლის ილმაზმა მიმდინარე სეზონში ლიგა 1-სა და ევროპა ლიგაზე ჯამში 15 შეხვედრა ჩაატარა, გაიტანა რვა გოლი და სამი საგოლე გადაცემა შეასრულა.