ნილ ლენონი უახლოეს ხანში ალბათ დატოვებს „სელტიკის“ მთავარი მწვრთნელის პოსტს, რადგან კლუბის ხელმძღვანელობა უკმაყოფილიოა ბოლოდროინდელი შედეგებით - გვამცნობს TalkSport.

ჯერ იყო და, „სელტიკმა“ ჩემპიონთა ლიგის ჯგუფურ ეტაპზე გასვლა ვერ მოახერხა, ევროპა ლიგაშიც აღარ აქვს პლეი ოფში გასვლის შანსი. შოტლანდიის ჩემპიონტში კი უკვე 11 ქულით ჩამორჩება ლიდერ „რეინჯერსს.“ ლენონის შეგირდებმა ბოლო ათ შეხვედრაში მხოლოდ ორჯერ მოახერხეს გამარჯვება.

წყაროს ინფორმაციით, ლენონი, შესაძლოა, „მანჩესტერ იუნაიტედის“ ყოფილმა კაპიტანმა, როი კინმა შეცვალოს, რომელმაც საფეხბურთო კარიერა 2005-06 წლებში სწორედ „სელტიკში“ დაამთავრა.