მსოფლიოს უკვე შვიდგზის ჩემპიონმა ლუის ჰამილტონმა, ბაჰრეინის დიდი პრიზის საკვალიფიკაციო რბოლა რეკორდული დროით მოიგო და კარიერაში 98-ე პოულ პოზიციას დაეუფლა. მას 0.289 წამით ჩამორჩა ვალტერი ბოტასი. „მერსედესმა“ კი მოწინავე რიგში ორივე ადგილი დაჯავშნა. მესამე დრო მაქს ფერსტაპენმა დააფიქსირა.
რბოლა დღისით დაიწყო და შებინდებულზე, ხელოვნური განათების აკომპანიმენტით დასრულდა. ჰამილტონს ამ სეზნში უკვე 10 კვალიფიკაცია აქვს მოგებული და დარჩენილ ორ რბოლაში, ორივე კვალიფიკაციის მოგების შემთხვევაში, კარიერაში 100 პოული დაუგროვდება. მომდევნო რბოლაც ერთ კვირაში, ბაჰრეინის სახირზეა, სეზონს კი აბუ დაბის ეტაპი დაასრულებს.
„ახლა, როცა ზეწოლა მომეხსნა, თავს ზღვარზე რბოლის საშუალება მივეცი. შეცდომის ზღვარზე ვიყავი და მუდმივად იდეალურ ბალანსს ვეძებდი“, - განაცხადა
ჰამილტონმა, ვისაც ბაჰრეინში უკვე სამი კვალიფიკაცია აქვს მოგებული, რითაც სებასტიან ფეტელის მიღწევა გაიმეორა.
ფერსტაპენს მეორე რიგში, გვერდით თანაგუნდელი ალექს ალბონი ეყოლება, რომელმაც პრაქტიკაზე ავარიის შემდეგ, ახალი შასით იასპარეზა. მათ უკან დადგება სერხიო პერესი, ვისაც ფ1-ში დარჩენის ერთადერთ შანსად, „რედ ბულში“ გადასვლა რჩება.
ათეულში „ფერარის“ ვერცერთი პილოტი ვერ შევიდა. არადა გასულ სეზნში, მისმ პილოტებმა პირველი ორი შედგი პრაქტიკებზეც და კვალიფიკაციაზეც დააფიქსირეს. ამჯერად ფეტელი მე-11 დროს დასჯერდა, შარლ ლეკლერი კი მე-12 ადგილზე დადგება.
ბაჰრეინის დიდი პრიზი
კვალიფიკაცია
- ლუის ჰამილტონი (ბრიტანეთი, მერსედესი) 1'27.264
- ვალტერი ბოტასი (ფინეთი, მერსედესი) 0.289
- მაქს ფერსტაპენი (ჰოლანდია, რედ ბული) 0.414
- ალექს ალბონი (ტაილანდი, რედ ბული) 1.010
- სერხიო პერესი (მექსიკა, რეისინგ პოინტი) 1.058
- დანიელ რიკარდო (ავსტრალია, რენო) 1.153
- ესტებან ოკონი (საფრანგეთი, რენო) 1.155
- პიერ გასლი (საფრანგეთი, ალფატაური) 1.184
- ლანდო ნორისი (ბრიტანეთი, მაკლარენი) 1.278
- დანიილ კვიატი (რუსეთი, ალფატაური) 1.354
- სებასტიან ფეტელი (გერმანია, ფერარი) 1.885
- შარლ ლეკლერი (მონაკო, ფერარი) 1.901
- ლანს სტროლი (კანადა, რეისინგ პოინტი) 2.293
- ჯორჯ რასელი (ბრიტანეთი, უილიამსი) 3.954
- კარლოს საინსი (ესპანეთი, მაკლარენი) -
- ანტონიო ჯოვინაცი (იტალია, ალფა რომეო) 2.227
- კიმი რაიკონენი (ფინეთი, ალფა რომეო) 2.546
- კევინ მაგნუსენი (დანია, ჰაასი) 2.847
- რომენ გროჟანი (საფრანგეთი, ჰაასი) 2.874
- ნიკოლას ლატიფი (კანადა, უილიამსი) 2.918
