ჩემპიონთა ლიგის მერვე ტურში ბარსელონამ ზედიზედ მეორედ, უკვე შინ დაამარცხა გერმანიის კილი და უდანაკარგოდ, 7 მატჩიდან 14 ქულით ლიდერობს.

B ჯგუფში ბარსას უახლოესი მდევარი, უნგრეთის ვესპრემი შინ 30-32 დამარცხდა დანიის ოლბორგთან. ფრანგულმა ნანტმა 31-25 მოუგო სლოვენიის ცელიეს.

A ჯგუფში, წარუმატებელი სტარტის შემდეგ ზედიზედ მეორე თამაში მოიგო კიდევ ერთმა ფავორიტმა, პარი სენ ჟერმენმა - ფრანგულმა კლუბმა შინაც დაამარცხა პორტუგალიის პორტუ, 29-28. აქ ლიდერობს პოლონეთის კელცე, ვინც 36-29 აჯობა მაკედონიის ვარდარს. როგორც იქნა, ითამაშა უნგრეთის სეგედმა და პირველი გამარჯვებაც მოიპოვა - 36-27 მოუგო ნორვეგიის ელვერუმს.

მომდევნო ტური 1 დეკემბერს დაიწყება, 10 დეკემბრიდან კი გამოცხადდება არდადაგები. 28-29 დეკემბერს კიოლნში გაიმართება წინა, 2019-20 სეზონის ფინალური ოთხეული. ნახევარფინალური წყვილები ასეთია: კილი-ვესპრემი, ბარსა-პსჟ. 2021 წლის იანვარში ეგვიპტეში მსოფლიო ჩემპიონატია, ლიგა კი თებერვალში განახლდება.

EHF ჩემპიონთა ლიგა 2020-21, კაცები. ჯგუფური ეტაპის 8 ტური, 25-26 ნოემბერი

1-2 ადგილები გადიან მეოთხედფინალში, 3-6 ადგილები - მერვედფინალში

A ჯგუფი. კელცე 13 ქულა (8 თამაში), ფლენზბურგი 9 (6), მეშკოვი 7 (6), პსჟ 6 (6), პორტუ 6 (8), ვარდარი 3 (5), ელვერუმი 2 (5), სეგედი 2 (4)

კელცე (პოლ) - ვარდარი (მკდ) 36-29

ა. დუიშებაევი 7, მორიტო 7, კორნეცკი (12 სეივი) - დიბიროვი 7, იოტიჩი 6

სეგედი (უნგ) - ელვერუმი (ნორ) 36-27

ბოდო 9, ბანჰიდი 6, მიკლერი (17) - ბლონცი 7

პარი სენ ჟერმენი (საფ) - პორტუ (პორ) 29-28

ჰანსენი 9, რემილი 4, ჟერარი (12) - სალინა 5

მეშკოვ-ბრესტი (ბლრ) - ფლენზბურგი (გერ) გადაიდო

8 გადადებული მატჩი: (1 ტურიდან) სეგედი - პსჟ, (2) ვარდარი - ელვერუმი, (3) სეგედი - ვარდარი, (6) სეგედი - ფლენზბურგი, პსჟ - ვარდარი, ელვერუმი - მეშკოვი, (7) ელვერუმი - სეგედი, (8) მეშკოვი - ფლენზბურგი

--

B ჯგუფი. ბარსა 14 (7), ვესპრემი 11 (7), ოლბორგი 10 (8), კილი 7 (7), ნანტი 4 (5), მოტორი 4 (5), ცელიე 2 (7), ზაგრები 0 (6)

ვესპრემი (უნგ) - ოლბორგი (დან) 30-32

ნენადიჩი 6, ბოროზანი 6 - იულ-ლარსენი 8, მოლგორი 7

ცელიე (სლნ) - ნანტი (საფ) 25-31

კოდრინი 6, ჰორზენი 6, ივიჩი (15) - მილიჩი 6, ნილსენი (13)

ბარსა (ესპ) - კილი (გერ) 29-25

ფაბრეგასი 6, დოლენეცი 4, მიოლერი (12) - ზარაბეცი 5, ლანდინი (12)

მოტორ ზაპოროჟია (უკრ) - ზაგრები (ხორ) გადაიდო

7 გადადებული მატჩი: (4 ტურიდან) კილი - მოტორი, (5) ვესპრემი - ბარსა, მოტორი - ნანტი, (6) ნანტი - ზაგრები, (7) ცელიე - ნანტი, (8) მოტორი - ზაგრები

9 ტური: 1-4 დეკემბერი