ინგლისურმა „მანჩესტერ სიტიმ“ პეპ გვარდიოლას კონტრაქტი გაუხანგრძლივა. როგორც „ქალაქელთა“ ვებგვერდი იტყობინება, ესპანელი „ეტიჰად სთედიუმზე“ 2023 წლის 30 ივნისამდე იმუშავებს.

გვარდიოლამ „მანჩესტერ სიტი“ 2016 წელს ჩაიბარა და მისი ძველი კონტრაქტი 2021 წლის ზაფხულში იწურებოდა, თუმცა მხარეებმა თანამშრომლობა ორი წლით განაახლეს.

პეპ გვარდიოლამ „მანჩესტერ სიტის“ სამჯერ ინგლისის ლიგის თასი, ორ-ორჯერ პრემიერლიგა და ინგლისის სუპერთასი, ხოლო ერთხელ ინგლისის ასოციაციის თასი მოაგებინა.