უელსის ნაკრებმა პრეს-კონფერენცია გადადო მთავარი მწვრთნელის, რაიან გიგზის დაკავების გამო. მიზეზი მეგობარ ქალბატონზე თავდასხმაა - გვმცნობს Sky Sports. გიგზს აშშ-ის, ირლანდიისა და ფინეთის ეროვნული გუნდების წინააღმდეგ მატჩებისთვის შემადგენლობა უნდა დაესახელებინა.

ბრიტანული ტაბლოიდების მტკიცებით, გიგზის შეყვარებულმა, ქეით გრევილმა, თავად გამოიძახა პოლიცია, რომელმაც მაშინვე დააკავა მწვრთნელი. „მანჩესტერ იუნაიტედის“ ყოფილი ვარსკვლავი ყველაფერს უარყოფს.

ეს პირველი შემთხვევა არ არის, როცა გიგზი ქალბატონებთან დაკავშირებულ სკანდალში ეხვევა. 2018 წელს ცნობილი გახდა, რომ ის მეუღლეს, საკუთარი ძმის ცოლთან ღალატობდა...

გიგზი „მანჩესტერში“ 1990-2014 წლებში თამაშობდა. 13-ჯერ გახდა ინგლისის ჩემპიონი და ორჯერ მოიგო ჩემპიონთა ლიგა.