"პარი სენ ჟერმენის" შემტევი ნეიმარი ფეხის ტრავმის გამო სანაკრებო შეხვედრებს გამოტოვებს. აღნიშნული ინფორმაცია ფრანგული გრანდის მთავარმა მწვრთნელმა ტომას ტუხელმა გაავრცელა. სამხრეთამერიკელმა ფეხის დაზიანება ჩემპიონთა ლიგაზე "ბაშაქშეჰირთან" შეხვედრაში მიიღო.
"ცუდი ინფორმაცია გვაქვს. ნეიმარს კუნთის დაზიანება აქვს და ვფიქრობ, რომ ბრაზილიის ეროვნულ ნაკრებს ნოემბერში ვერ დაეხმარება. ნეიმარი სანაკრებო მატჩების შემდეგ დაგვიბრუნდება." - განაცხადა ტუხელმა პრესკონფერენციაზე.
ბრაზილიის ეროვნული ნაკრები 14 და 18 ნოემბერს მსოფლიოს ჩემპონატის საკვალიფიკაციო ეტაპის მატჩებს ჩაატარებს. შესაბამისად, ამ ორ შეხვედრას ნეიმარი გამოტოვებს და ასევე, 4 ნოემბერს ჩემპიონთა ლიგაზე "ლაიპციგის" წინააღმდეგ ვერ ითამაშებს.
