უეფას ჩემპიონთა ლიგის გათამაშებაში სტარტი მეორე ტურმა აიღო. ყველაზე საინტერესო ვითარება ისევ B ჯგუფშია შექმნილი, სადაც ფავორიტები ჯერ კიდევ მოგებათა გარეშე ასპარეზობენ. დრამა ვიხილეთ მადრიდში, ხოლო ბერგამოში მოლოდინი გამართლდა და ლაღი ფეხბურთი გაჩაღდა.

A ჯგუფში მიუნხენის „ბაიერნი“ მოსკოვის „ლოკომოტივს“ ესტუმრა და მოიგო, მაგრამ არა ისე, როგორც ალბათ მთელი სამყარო ელოდა. ჰანსი ფლიკის გუნდი იმდენად დაუნდობელი და ძლიერია, რომ მოსკოვის „ლოკომოტივის“ შანსი მის წინააღმდეგ პრაქტიკულად ნულს უტოლდებოდა. თუმცა, რუსების სასახელოდ უნდა ითქვას,რომ ბოლომდე იბრძოლეს და ცოტა რომ გამართლებოდათ, შეიძლება არც წაეგოთ, ან უფრო მეტიც, მოეგოთ. „ბაიერნმა“ ტაიმი ლეონ გორეცკას გოლით მოიგო, რასაც ანტონ მირანჩუკმა უპასუხა და წონასწორობა აღადგინა. თუმცა თამაშის დასრულებამდე 10 წუთით ადრე იოზუა კიმიხმა ფანტასტიკური გოლი გაიტანა და საბოლოო ანგარიში დააფიქსირა.

მადრიდის „ატლეტიკომ“ მიუნხენში განადგურების შემდეგ ავსტრიულ „ზალცბურგს“ უმასპინძლა და ჟოაო ფელიქსის ფენომენალური თამაშის წყალობით დაამარცხა. დიეგო სიმეონეს გუნდი ჯერ იგებდა, მერე აგებდა, მაგრამ ბოლოს პორტუგალიელმა ვუნდერკინდმა დუბლი შეასრულა და მატჩის გმირი გახდა. ფელიქსმა მართლაც შესანიშნავი თამაში ჩაატარა, კარიერაში ალბათ ერთ-ერთი საუკეთესო და „ატლეტიკომ“ მიმდინარე ჩემპიონთა ლიგაზე პირველი გამარჯვება იზეიმა.

B ჯგუფში ვითარება ძალიან საინტერესოდაა. „შახტარი“ 4 ქულით ლიდერია, 2-2 ქულა აქვთ „გლადბახსა“ და „ინტერს“, ხოლო „რეალი“ 1 ქულით აუტსაიდერია. უფრო მეტიც, ზინედინ ზიდანის გუნდი ამითაც კმაყოფილი უნდა იყოს, რადგან შეიძლებოდა ქულაც არ ჰქონოდა. მარკუს ტურამის დუბლით „გლადბახი“ „სამეფო კლუბს“ 87-ე წუთამდე ამარცხებდა და ძალიან ახლოს იყო სამ ქულასთან, მაგრამ ბოლოს კარიმ ბენზემამ და კაზემირომ გერმანელებს გამარჯვება ხელიდან გამოგლიჯეს. უნდა აღინიშნოს სერხიო რამოსის მორიგი გმირობა, მსაჯის კომეპსნირებულ წუთებზე სწორედ მისი თავური პასით გაათანაბრა კაზემირომ. „ინტერი“ ძალინ დიდ უპირატესობას ფლობდა კიევში, „შახტართან“, მაგრამ უკრაინიდან შინ დაბრუნება ქულით მოუწია. ხარიხა ორჯერ, რამდენჯერმე მეკარე - ეს იყო „ინტერის“ წინაღობა. დავით ხოჭოლავამ 62-ე წუთამდე ითამაშა და შემდეგ ტრავმის გამო მოედანი დატოვა. ფაქტია, დონეცკის „შახტარი“ „რეალთან“ და „ინტერთან“ მატჩების შემდეგ ჯგუფს ერთპიროვნულად ლიდერობს.

C ჯგუფი ალბათ ერთ-ერთი ნაკლებად საინტერესო ჯგუფია. აქ „მანჩესტერ სიტი“ მეტისმეტად გამოკვეთილი ფავორიტია და ცხადია, მორიგი სამი ქულის მოპოვება არ გასჭირვებია. ინგლისური გუნდი სტუმრად „მარსელს“ ესტუმრა და ცალი ფეხით აჯობა - 3:0. მნიშვნელოვანი გამარჯვება მოიპოვა „პორტუმ“, რომელმაც „დრაგაუზე“ პირეოსის „ოლიმპიაკოსს“ 2:0 აჯობა და სატურნირო ცხრილში სწორედ ბერძნულ გუნდს გაუტოლდა. „სიტის“ 6 ქულა აქვს, „მარსელს“ 0 და ისე ჩანს, რომ მეორე ადგილისთვის პორტუგალიელები და ბერძნები იბრძოლებენ.

და ბოლოს D ჯგუფი, სადაც „ლივერპული“ ‘მიდტიულანდს“ დაუხვდა და კლასის ხარჯზე მოუგო. ისე კი, იურგენ კლოპის გუნდს ციდან ვარსკვლავები არ მოუკრეფია და პირველ ტაიმში მეტოქეს ვერც ვერაფერი დააკლო. ნაანტრაქტევს დიოგო ჟოტამ გაიტანა, ხოლო ბოლო წუთზე მოჰამედ სალაჰმა ანგარიშს უფრო სოლიდური და საბოლოო სახე მისცა. ბერგამოში კი, სადაც ჩემპიონთა ლიგის მატჩი ისტორიაში პირველად გაიმართა, „ატალანტამ“ და „აიაქსმა“ აფიშა გაამართლეს და მაგარი ფეხბურთი აჩვენეს. დუშან ტადიჩისა და ლასინა ტრაორეს გოლებით ამსტერდამელებმა ტაიმი 2:0 მოიგეს და გამარჯვებისკენ დიდი ნაბიჯი გადადგეს. თუმცა, მეორე ტაიმის დასაწყისში 6-წუთიან ინტერვალში დუვან ძაპატამ დუბლი გაიფორმა და „ატალანტამ“ ქულა მაინც გადაარჩინა. ჯგუფს „ლივერპული“უდანაკარგოდ ლიდერობს, „ატალანტას“ 4, „აიაქსს“ 1 ქულა აქვს, ხოლო „მიდტიულანდის“ მონაგარში 0 წერია...

A ჯგუფი

„ლოკომოტივი“ – „ბაიერნი“ 1:2 (0:1) VIDEO

მოსკოვი, RZD არენა

„ლოკომოტივი“ (4-3-1-2): გილერმე; ჟივოგლიადოვი, ჩორლუკა (რაიკოვიჩი 46), მურილო, რიბუსი; იგნატიევი (ჟემალეტდინოვი 75), კულიკოვი (ლისაკოვიჩი 89), კრიხოვიაკი; მირანჩუკი; სმოლოვი (რიბჩინსკი 75), ზე ლუიში

მწვრთნელი: მარკო ნიკოლიჩი

„ბაიერნი“ (4-2-3-1): ნოიერი; პავარი, ზულე, ალაბა, ერნანდესი; კიმიხი, გორეცკა (ხავი მარტინესი 46); მიულერი (გნაბრი 46), ტოლისო, კომანი (დუგლას კოშტა 69); ლევანდოვსკი

მწვრთნელი: ჰანს-დიტერ ფლიკი

გოლები: 0:1 გორეცკა (13), 1:1 მირანჩუკი (70), 1:2 კიმიხი (79)

გაფრთხილება: ჟივოგლიადოვი (17), მურილო (50), ჟემალეტდინოვი (84) - ერნანდესი (48)

სტატისტიკა - კარისკენ დატყმები: 10 (5) – 12 (4) ბურთის ფლობა: 36%-64% კუთხურები: 4:4 თამაშგარე: 2:5

მსაჯი: ისტვან კოვაში (რუმინეთი)

„ატლეტიკო“ – „ზალცბურგი“ 3:2 (1:1) VIDEO

მადრიდი, „ვანდა მეტროპოლიტანო“

„ატლეტიკო“ (4-4-2): ობლაკი; ტრიპიერი, სავიჩი, ფელიპე, ლოდი (ჰერმოსო 82); კორეა, კოკე, ერერა (ტორეირა 82), ლორენტე; ჟოაო ფელიქსი, სუარესი (ლემარი 82)

მწვრთნელი: დიეგო სიმეონე

„ზალცბურგი“ (4-4-2): სტანკოვიჩი; კრისტენსენი, რამალიო,ვიობერი (ონგუენი 63), ულმერი; მვეპუ, კამარა, იუნუზოვიჩი (აშიმერუ 63); დაკა (კოიტა 30, ოკაფორი 84)), ბერიშა

მწვრთნელი: იეს მარში

გოლები: 1:0 ლორენტე (29), 1:1 შობოშლაი (40), 1:2 ბერიშა (47), 2:2 ჟოაო ფელიქსი (52), 3:2 ჟოაო ფელიქსი (85)

გაფრთხილება: ლორენტე (64) - რამალიო (13), ვიობერი (23)

სტატისტიკა - კარისკენ დატყმები: 16 (8) – 6 (3) ბურთის ფლობა: 51%-49% კუთხურები: 9:5 თამაშგარე: 2:2

მსაჯი: ოვიდიუ ჰატეგანი (რუმინეთი)

B ჯგუფი

„შახტარი“ – „ინტერი“ 0:0 (0:0) VIDEO

კიევი, „ოლიმპიური სტადიონი“

„შახტარი“ (4-2-3-1): ტრუბინი; დოდო, ბონდარი, ხოჭოლავა (მატვიენკო 62), კორნილენკო; მარლოსი (ალან პატრიკი 88), მაიკონი; ტეტე, ანტონიო, სოლომონი; დენტინიო (ტაისონი 15)

მწვრთნელი: ლუიშ კაშტრუ

„ინტერი“ (3-5-2): ჰანდანოვიჩი; დ’ამბრიოზიო (დარმიანი 79), დე ვრეი, ბასტონი; ჰაკიმი, ბარელა, ბროჟოვიჩი, ვიდალი (ერიკსენი 79), იანგი (პინამონტი 85); ლუკაკუ, ლაუტარო (პერიშიჩი 72)

მწვრთნელი: ანტონიო კონტე

გაფრთხილება: ბასტონი (31), ვიდალი (64)

სტატისტიკა - კარისკენ დატყმები: 3 (1) – 10 (4) ბურთის ფლობა: 43%-57% კუთხურები: 2:6 თამაშგარე: 0:3

მსაჯი: გეორგი კაბაკოვი (ბულგარეთი)

„გლადბახი“ – „რეალი“ 2:2 (1:0) VIDEO

გლადბახი, „ბორუსია პარკი“

„გლადბახი“ (4-3-1-2): სომერი; ლაინერი, გინტერი, ელვედი, ბენსაბაინი; ჰოფმანი, კრამერი, ნოიჰაუსი; შტინდლი (ვოლფი 79); პლეა (ემბოლო 79), ტურამი (ჰერმანი 71)

მწვრთნელი: მარკო როზე

„რეალი“ (4-3-3): კურტუა; ვასკესი, ვარანი, სერხიო რამოსი, მენდი; ვალვერდე, კაზემირო, კროოსი (მოდრიჩი 71); ასენსიო (როდრიგო 84), ბენზემა, ვინისიუსი (აზარი 70)

მწვრთნელი: ზინედინ ზიდანი

გოლები: 1:0 ტურამი (33), 2:0 ტურამი (58), 2:1 ბენზემა (87), 2:2 კაზემირო (90)

გაფრთხილება: შტინდლი (55), ბენსაბაინი (79), ნოიჰაუსი (85) - კაზემირო (89)

სტატისტიკა - კარისკენ დატყმები: 7 (5) – 13 (6) ბურთის ფლობა: 36%-64% კუთხურები: 1:8 თამაშგარე: 2:0

მსაჯი: ორელ გრინფელდი (ისრაელი)

C ჯგუფი

„პორტუ“ – „ოლიმპიაკოსი“ 2:0 (1:0) VIDEO

პორტუ, „დრაგაუ“

„პორტუ“ (4-2-3-1): მარჩესინი; მანაფა, მბემბა, პეპე, სანუსი; ოლივეირა (რომარიო 89), ურიბე; კორონა (ევანილსონი 70), ვიეირა (ნაკაჯიმა 60), ოტავიო (გრუიჩი 70); მარეგა

მწვრთნელი: სერჟიუ კონსეისაუ

„ოლიმპიაკოსი“ (4-2-3-1): სა; რაფინია, სემედუ, სისე, ჰოლებასი (ვინაგრე 70); მ’ვილა, ბუჩალაკისი (პეპე 84); რანდიელოვიჩი (ბრუმა 70), ვლაბუენა (კოკა 84), მასურასი (ფორტუნისი 53); ელ არაბი

მწვრთნელი: პედრო მარტინში

გოლები: 1:0 ვიეირა (11), 2:0 ოლივეირა (85)

გაფრთხილება: კორონა (61), ურიბე (82), მანაფა (90) - ფორტუნისი (80)

სტატისტიკა - კარისკენ დატყმები: 9 (5) – 7 (3) ბურთის ფლობა: 45%-55% კუთხურები: 4:9 თამაშგარე: 0:4

მსაჯი: დანიელ შიბერტი (გერმანია)

„მარსელი“ – „მანჩესტერ სიტი“ 0:3 (0:1) VIDEO

მარსელი, „ველოდრომი“

„მარსელი“ (3-4-3): მანდანდა; ბალერდი, გონსალესი, კალეტა-სარი; საკაი, კამარა, რონგიე (სანსონი 64), ამავი; კუისანსი (გეიე 85), ტოვინი (პაიე 78), რადონიჩი (ბენედეტო 78))

მწვრთნელი: ანდრე ვილაშ-ბოაში

„მანჩესტერ სიტი“ (4-3-1-2): ედერსონი; უოლკერი, დიაში, ლაპორტი (სტოუნსი 77), ზინჩენკო (კანსელუ 68); გუნდოგანი (სილვა 76), როდრი, ტორესი (მაჰრეზი 77); დე ბრუინი (პალმერი 82); ფოდენი, სტერლინგი

მწვრთნელი: პეპ გვარდიოლა

გოლები: 0:1 ტორესი (18), 0:2 გუნდოგანი (76), 0:3 სტერლინგი (81)

გაფრთხილება: ამავი (62), კალეტა-სარი (71) - ლაპორტი (58)

სტატისტიკა - კარისკენ დატყმები: 2 (2) – 7 (4) ბურთის ფლობა: 37%-63% კუთხურები: 1:5 თამაშგარე: 3:5

მსაჯი: ტობიას შტილერი (გერმანია)

D ჯგუფი

„ატალანტა“ – „აიაქსი“ 2:2 (0:2) VIDEO

ბერგამო, „გევის სთედიუმი“

„ატალანტა“ (3-4-2-1): სპორტიელო; ტოლოი, რომერო, ჯიმშიტი; ჰატებური, პაშალიჩი, ფროილერი, გოსენსი; ილიჩიჩი (მალინოვსკი 78), გომესი (მურიელი 78); ძაპატა

მწვრთნელი: ჯან პიერო გასპერინი

„აიაქსი“ (4-3-3): ონანა; მაზრაუი (კლაიბერი 56), შუურსი, ბლინდი, ტალიაფიკო; კლაასენი, ტადიჩი, გრავენბერხი; ნერეში (პრომესი 69), ტრაორე, ანტონი (ლაბიადი 90)

მწვრთნელი: ერიკ ტენ ჰაგი

გოლები: 0:1 ტადიჩი (30, პენ), 0:2 ტრაორე (38), 1:2 ძაპატა (54), 2:2 ძაპატა (60)

გაფრთხილება: ილიჩიჩი (23), ჯიმშიტი (66), მალინოვსკი (90) - ტრაორე (6), კლაასენი (20), მაზრაუი (25)

სტატისტიკა - კარისკენ დატყმები: 11 (6) – 9 (7) ბურთის ფლობა: 46%-54% კუთხურები: 7:6 თამაშგარე: 5:0

მსაჯი: დამირ სკომინა (სლოვენია)

„ლივერპული“ – „მიდტიულანდი“ 2:0 (0:0) VIDEO

ლივერპული, „ენფილდ როუდი“

„ლივერპული“ (4-2-3-1): ალისონი; ალექსანდერ-არნოლდი, ფაბინიო (უილიამსი 30), გომესი, რობერტსონი; ჰენდერსონი (ვეინალდუმი 46), მილნერი; შაქირი, მინამინო (სალაჰი 60), დიოგო ჟოტა (ფირმინო 81); ორიჯი (მანე 60)

მწვრთნელი: იურგენ კლოპი

„მიდტიულანდი“ (4-2-3-1): ანდერსენი; ანდერსონი, სვიატჩენკო, შოლცი, პაულინიო; ონიეკა, კაუსტე (კრაევი 81); დრაიერი, სისტო (ფერეირა 72), მაბილი (ანდერსონი 66); კაბა (პფეიფერი 81)

მწვრთნელი: ბრაიან პრისკე

გოლები: 1:0 დიოგო ჟოტა (55), 2:0 სალაჰი (90, პენ)

გაფრთხილება: მილნერი (41) - შოლცი (19), ონიეკა (25), კაუსტე (32), პაულინიო (90)

სტატისტიკა - კარისკენ დატყმები: 8 (2) – 6 (2) ბურთის ფლობა: 60%-40% კუთხურები: 3:2 თამაშგარე: 1:1

მსაჯი: პაველ რაშჩკოვსკი (პოლონეთი)