ტურინის „იუვენტუსის“ თავდამსხმელი კრიშტიანუ რონალდუ „ბარსელონასთან“ ვერ ითამაშებს. პორტუგალიელმა კორონავირუსზე მორიგი ტესტი გაიკეთა, რომელმაც ისევ დადებითი პასუხი აჩვენა, რაც იმას ნიშნავს, რომ ვირუსისგან არ განკურნებულა.

შედეგად, „ბარსელონას“ წინააღმდეგ მისი თამაში საბოლოოდ გამოირიცხა. ამრიგად, ლიონელ მესისა და რონალდუს დაპირისპირება მინიმუმ დეკემბრამდე გადაიდო, როდესაც საპასუხო შეხვედრა „კამპ ნოუზე“ შედგება.

შეგახსენებთ, „იუვენტუსისა“ და „ბარსელონას“ მატჩი 28 ოქტომბერს, თბილისის დროით 23:55 საათზე დაიწყება.