ფეხბურთი

18:38 | 26.10.2020 | ნანახია [] - ჯერ

კაკაბაძე გამოჯანმრთელდა და "ესპანიოლთან" შეუცვლელად ითამაშა

საქართველოს ნაკრების მცველი ოთარ კაკაბაძე გამოჯანმრთელდა. „ტენეიფეს“ ფეხბურთელმა ლა ლიგა 2-ის მორიგ ტურში „ესპანიოლის“ (0:0) წინააღმდეგ შეუცვლელად ითამაშა.

რა თქმა უნდა, ეს შესანიშნავი სიახლეა, რადგან საქართველოს ნაკრებში კაკაბაძე დაცვის მარჯვენა ფლანგზე უალტერნატივოა, ჩრდილოეთ მაკედონიასთან მატჩამდე კი უკვე ორ კვირაზე ოდნავ მეტი დარჩა.

ოთარმა ტრავმა ბელარუსთან მატჩში მიიღო, რის შემდგომაც სომხეთთან და ჩრდილოეთ მაკედონიასთან ვერ ითამაშა, შემდეგ კი კლუბშიც მოუწია თამაშების გაცდენა.

შეგახსენებთ, კაკაბაძე „ტენერიფეში“ ცოტა ხნის წინ შვეიცარიული „ლუცერნიდან“ გადავიდა და ამ გუნდში ორი თამაში აქვს ჩატარებული. „ტენერიფე“ ლა ლიგა 2-ში 8 ტურში მოპოვებული 8 ქულით მხოლოდ მე-17 ადგილზეა. სხვათა შორის, ლიდერი „ესპანიოლია“ 17 ქულით.

0.141955