ბრაზილიის ქალთა, ოჯახისა და ადამიანის უფლებათა დაცვის მინისტრმა, დამარეს ალვეშმა, „რეალის,“ „მილანისა“ და „სიტის“ ყოფილი შემტევის, რობინიოს დაუყოვნებლივ დაპატიმრება მოითხოვა.

„დაუყოვნებლივ ციხეში. მეტს ვერაფერს გეტყვით. ხალხო რას ფიქრობთ, არცერთ მოძალადეს ტაში არ უნდა დავუკრათ. მხოლოდ ციხე. ამ ბიჭს მინდორზე დაბრუნება იმიტომ სურს, რომ გმირი განასახიეროს.“ - ციტირებს ალვეშის სიტყვებს g1.globo.

შეგახსენებთ, რომ შარშან ნოებერში, რობინიოს გაუპატიურების ბრალდებით ცხრაწლიანი პატიმრობა მიუსაჯეს. ინციდენტი 2013 წლის 22 იანვარს მოხდა მილანში. 2017 წლის ნოემბერში კი რობინიო და იდევ ხუთი მამაკაცი 22 წლის ალბანელი გოგონას ჯგუფურ გაუპატიურებაში დაადანაშაულეს. რობინიომ თავი დამნაშავედ არ ცნო და აპელაცია შეიტანა.

11 ოქტომბერს რობინიომ „სანტოსთან“ მოაწერა ხელი კონტრაქტს, მაგრამ 6 დღეში კლუბმა ხელშეკრულება გაუუქმა, რათა სასამართლოს საქმეებს მიხედოს.