მადრიდის „რეალის“ მთავარმა მწვრთნელმა ზინედინ ზიდანმა „კადისთან“ სენსაციური მარცხის შემდეგ კომენტარი გააკეთა და აღიარა, რომ მისმა გუნდმა ძალიან ცუდად ითამაშა.
„მეტოქემ მეტი სურვილი გამოავლინა, ჩვენ არანაირი საბაბი არ გვაქვს, ცუდად ვითამაშეთ და „კადისს“ უნდა მივულოცოთ. თავიდანვე ძალიან რთული იყო, მეტოქეს ორი-სამი გოლის გატანა შეეძლო, ვიმეორებ, არანაირი საბაბი არ არსებობს. რამოსის ტრავმა რა თქმა უნდა, უსიამოვნო ამბავია, მაგრამ ვნახოთ როგორ იქნება. წავაგეთ და სამი ქულა დავკარგეთ, მნიშვნელოვანი ქულები, თუმცა მეტი არაფერი. ახლა მომდევნო თამაშზე უნდა ვიფიქროთ“, - თქვა ზიდანმა.
„რეალი“ შუა კვირაში ჩემპიონთა ლიგაზე ითამაშებს, ხოლო 24 ოქტომბერს, „კამპ ნოუზე“ „ბარსელონას“ დაუპირისპირდება.
