ხვიჩა კვარაცხელიას აღიარება აღარ გვიკვირს. ქართველი ფეხბურთელი რუსეთის პრემიერლიგაში გამოარჩიეს და „რუბინის“ სექტემბრის თვის საუკეთესო ფეხბურთელად დაასახელეს.

ახალგაზრდა შემტევმა გამოკითხული გულშემატკივრების ხმების 50%-ი მიიღო და ზედიზედ მეორედ მოიპოვა თვის საუკეთესო ფეხბურთელის პრიზი.

მეორე პოზიციაზე ინ ბომი გავიდა, რომელმაც ხმათა 38% დააგროვა, მესამეზე კი ოლივერ აბილდგორი 5%-ით.

შეგახსენებთ, რომ კვარაცხელიამ სექტემბრის თვეში „რუბინის შემადგენლობაში 3 თამაში ჩაატარა და ყაზანურ გუნდს 1 გოლითა და 2 მოპოვებული თერთმეტმეტრიანით დაეხმარა.