ლივერპულის „ევერტონმა“ სეზონი შესანიშნავად დაიწყო და პრემიერლიგას 12 ქულით ლიდერობს. კარლო ანჩელოტის გუნდის წარმატებაში დიდი როლი მიუძღვის დომინიკ კარლეტ-ლიუინს, რომელიც ბომბარდირთა დავას ჰონ-მინ სონთან ერთად ლიდერობს.

23 წლის ფორვარდის განცხადებით, ანჩელოტიმ ის ფილიპო ინძაგის შეადარა და მანაც იტალიელი ფეხბურთელის თამაშის შესწავლა დაიწყო.

„ანჩელოტი ინძაგის მადარებს და შედეგად, იუთუბზე მისი გოლების ვიდეობის ყურება დავიწყე, ვნახე მის კარიერაზე 15-წუთიანი ფილმი. გოლების უმრავლესობა მას კარის წინ ერთი შეხებით აქვს გატანილი. ყოველთვის შეიძლება მისგან რაღაცის სწავლა და მეც ვსწავლობ. ანჩელოტი ჩემზე დიდ გავლენას ახდენს და ჩემს ასაკში ძალიან ვიზრდები“, - თქვა ინგლისელმა.

შეგახსენებთ, რომ მიმდინარე სეზონში კალვერტ-ლიუინს პრემიერლიგის 4 მატჩში 6 გოლი აქვს გატანილი, ხოლო ყველა ტურნირის ჩათვლით 6 თამაშში თავი 9-ჯერ გამოიჩინა.