„მანჩესტერ იუნაიტედის“ ხელმძღვანელები ედინსონ კავანის აგენტებს დაუკავშირდნენ. მანკუნიანელები ურუგვაელ შემტევთან ხანგრძლივი ხელშეკრულების გაფორმებას აპირებენ და ჯამაგირად სეზონში 10 მილიონ ევროს სთავაზობენ. ასევე მანჩესტერელები მზად არიან მის აგენტებსაც გადაუხადონ სოლიდური ჰონორარები - გვამცნობს Daily Mail.

კავანის მიმართ ინტერესი ასევე გამოხატეს: „იუვენტუსმა,“ „რომამ,“ „გრემიომ,“ „ბენფიკამ“ და „ატლეტიკომ“, თუმცა ურუგვაელის მაღალი ფინანსური მოთხოვნების გამო, შემდეგ თავი შეიკავეს.

კავანი „პარი სენ-ჟერმენში“ 2013-20 წლებში თამაშობდა. გასულ სეზონში პარიზული კლუბის მაისურით მან 14 მატჩში 4 ბურთი გაიტანა და ერთი საგოლე პასი შეასრულა.