თბილისის „ლოკომოტივმა“ ოთხ ფეხბურთელს ახალი კონტრაქტები გაუფორმა. ამის შესახებ დედაქალაქური გუნდის ვებგვერდი ოფიციალურად იტყობინება.
დავით უბილავა, ირაკლი სიხარულიძე და თემურ შონია გუნდში 2022 წლის ბოლომდე დარჩებიან, მათ ხელშეკრულება 2 წლით გაახანგრძლივეს.
გარდა ამისა, მეკარე გიორგი მამარდაშვილი „ლოკომოტივის“ ღირსებას 2021 წლის ბოლომდე იჯარით დაიცავს. მისი სატრანსფერო უფლებები „დინამო თბილისს“ ეკუთვნის, თუმცა ნიჭიერ მეკარეს უახლოესი ერთი სეზონი ისევ „ლოკომოტივში“ ვიხილავთ.
