ფეხბურთი

17:44 | 26.09.2020 | ნანახია [] - ჯერ

"მანჩესტერმა" სეზონში პირველად წვალებით და დრამაში მოიგო

ინგლისის პრემიერლიგის მესამე ტური „ბრაიტონისა“ და „მანჩესტერ იუნაიტედის“ მატჩით დაიწყო, რომელმაც საოცრად დრამატული გამოდგა.

„თოლიებმა“ „წითელ ეშმაკებს“ გვარიანი წინააღმდეგობა გაუწიეს და ძალიან ახლოს იყვნენ, რომ არ წაეგოთ. უფრო მეტიც, ფორტუნამ „ბრაიტონს“ ზურგი აქცია, თორემ „მანჩესტერს“ აუცილებლად დაამარცხებდა.

ანგარიში მასპინძლებმა გახსნეს, მაგრამ სტუმრებმა დანქის ავტოგოლით წონასწორობა აღადგინეს. მეორე ტაიმის დასაწყისში მთავარი მოქმედი პირი მარკუს რაშფორდი იყო, რომელმაც ჯერ პენალტი ვერ გაიტანა, ხოლო 3 წუთში მაინც დალაშქრა მეტოქის კარი და „მანიუ“დააწინაურა. შემდგე იყო „ბრაიტონის“ მხრიდან უამრავი გამოუყეებელი მომენტი, მაგრამ მსაჯის მიერ კომპენსირებულ მე-5 წუთზე მარშმა მაინც გაათანაბრა.

თითქოს თამაში ასე უნდა დასრულებულიყო, როდესაც მატჩში მესამე პენალტი დაინიშნა. ბოლო შეტევაში პირველი გოლის ავტორმა მოპიმ საჯარიმოში ხელით ითამაშა და თერთმეტმეტრიანი გოლად ბრუნო ფერნანდეშმა აქცია. შედეგად, „მანჩესტერმა“ მიმდინარე სეზონში პირველი გამარჯვება მოიპოვა. საინტერესოა, რომ პორტუგალიელმა გოლი მე-100 წუთზე გაიტანა და ეს "იუნაიტედის" ყველაზე გვიანი გოლია 2011 წლის შემდეგ, როდესაც ხუან მატამ "ნორვიჩის" კარი 101-ე წუთზე დალაშქრა.

„ბრაიტონი“ – „მანჩესტერი“ 2:3 (1:1)

გოლები: 1:0 მოპი (40, პენ), 1:1 დანქი (43, ა.გ), 1:2 რაშფორდი (55), 2:2 მარში (90), 2:3 ბრუნო ფერნანდეში (90, პენ)

0.10968