ესპანეთის ლიგა ენდესას 2020-2021 წლების სეზონი იდეალურად დაიწყო ბექა ბურჯანაძემ, რომელიც „ბილბაოსთან“ გამორჩეული იყო. ბექას „გრან კანარიამ“ მეტოქე მძიმე ბრძოლაში, ოვერტაიმში 107:102 დაამარცხა. ნიშანდობლივია, რომ გამარჯვებაში უდიდესი როლი ჩვენებურმა ითამაშა, რომელმაც ოვერტაიმში ორი სამქულიანი ჩააგდო და "გრან კანარიას" გამარჯვებაც ამ ქულებმა განაპირობა.

ბურჯანაძემ პარკეტზე 35:58 წუთი გაატარა, ხსენებულ დროში კი 14 ქულა,5 მოხსნა და 2 პასი მიითვალა. ქართველმა 3-დან 2 ორქულიანი (67%), 6-დან 3 სამქულიანი (50%) და 2-დან 1 საჯარიმო (50%) ჩააგდო. შედეგად, მისი მარგი ქმედების კოეფიციენტი 12-ს გაუტოლდა.

„მინდა მივულოცო გუნდს, გულშემატკივრებს და მთელ კუნძულს, ამდენის ხნის შემდეგ თამაშის დაბრუნება. კარგად დავიწყეთ ძლიერი მეტოქის წინააღმდეგ. „ბილბაო“ ძალიან კარგად მომზადებული გუნდია, კარგი მოთამაშეებით ყველა პოზიციაზე და ძალიან რთული მოწინააღმდეგე.

პირველ ტაიმში საკმაოდ კარგად ვითამაშეთ, „ბილბაომაც“ აჩვენა, რომ შესანიშნავი გუნდია და თამაში ძალიან საინტერესო გახადეს. კმაყოფილი ვარ იმით, თუ როგორ მოვახერხეთ რეაგირება და ბოლო წამამდე ვიბრძოლეთ“, - თქვა ბურჯანაძემ მატჩის შემდეგ.

„გრან კანარია“ შემდეგ მატჩს 25 სექტემბერს, სტუმრად „ბურგოსთან“ ჩაატარებს.