ფეხბურთი

17:51 | 14.09.2020 | ნანახია [] - ჯერ

ნეიმარი: "მხოლოდ იმას ვნანობ, რომ სახეში არ დავარტყი"

საფრანგეთის ლიგა 1-ის ტურის ცენტრალური მატჩი სჟ-სა და „მარსელს“ შორის ჩხუბით დასრულდა. ნეიმარმა ალვარო გონსალესს თავში ხელი წამოარტყა და გააძევეს, მის გარდა კიდევ 4 ფეხბურთელს უჩვენეს წითელი ბარათი.

როგორც ნეიმარი აცხადებს, ალვარო რასისტია და მხოლოდ იმას ნანობს, რომ უფრო ძლიერად სახეში არ დაარტყა.

„იმიტომ წამოვარტყი ხელი, რომ ის რასისტია. მხოლოდ იმას ვნანობ, რომ სახეში არ დავარტყი. VAR-ისთვის ადვილია გააცნობიეროს ჩემი აგრესია, ახლა მინდა ვნახო რასისტი, რომელიც მეძახის - „მაიმუნის შვილს“. ეს არის ის, რისი დანახვაც მსურს. დარტყმისთვის გამაძევეს, და ისინი?“, - დაწერა ტვიტერში ნეიმარმა.

მატჩის შემდეგ სოციალურ ქსელში პოსტი „მარსელის“ ფეხბურთელმა ალვარო გონსალესმაც გამოაქვეყნა:

რასიზმის ადგილი არ არის. სუფთა კარიერა ბევრ კოლეგასთან და მეგობრებთან ერთად ყოველდღე. ზოგჯერ უნდა ისწავლოთ წაგებასთან შეგუება და ეს მოედანზე დაამტკიცოთ. წარმოუდგენელი 3 ქულა მოვიპოვეთ, მადლობა „მარსელის“ ოჯახს“, - დაწერა ესპანელმა.

0.114908