ფეხბურთი

21:50 | 12.09.2020 | ნანახია [] - ჯერ

ოფიციალურად: გიორგი მაკარიძე "ალმერიას" ფეხბურთელია

გიორგი მაკარიძემ ესპანურ „ალმერიასთან კონტრაქტი გააფორმა. ამის შესახებ „როხიბლანკოს“ ვებგვერდი ოფიციალურად იტყობინება.

მაკარიძე ესპანეთში თავისუფალი აგენტის სტატუსით გადავიდა და კლუბთან კონტრაქტი 2022 წლის ზაფხულამდე გააფორმა. 30 წლის ჩვენებური ახალ გუნდს მარბელიაში შეუერთდება. მაკარიძე ბოლოს სეტუბალის „ვიტორიას“ რიგებში ირჯებოდა და პორტუგალიური გუნდის მაისური 48-ჯერ მოირგო.

ისიც ვთქვათ, რომ თურქული „ერზურუმსფორის“ პრეზიდენტი ჰუსეინ იუნეში ქართველ მეკარეს სასამართლოში ჩივილით ემუქრება. როგორც მან განაცხადა, მაკარიძესთან შეთანხებულნი იყვნენ, მაგრამ მან შეთანხმება დაარღვია და ახლა პასუხის გაცემა სასამართლოში მოუწევს.

ცნობისთვის, „ალმერია“ ერთი პერიოდი ლა ლიგაში თამაშობდა, ხოლო გასულ სეზონში ლა ლიგა 2-ში მეოთხე პოზიციაზე გავიდა და პლეი-ოფში „ჟირონასთან“ დამარცხდა.

0.151481